كلمات اغنية توافيق القدر محمد بن غرمان 2025

كل شي الا شعور الحزن لا ينتابك

مستعد ارسم لك الايام وألونّها

ولا تخاف ان الزمن يرخص مقام اهدابك

الحرار تهاجر وترجع على موطنها

هات صوتك من زعلك لضحكتك لعتابك

واسترح بين الضلوع العوج يا ساكنها

جابك احساسي مهوب الطاري اللي جابك

والوله يامر قلوب العاشقين وينهى

لا تحاول تختبر صبري بكثر غيابك

وانت حاجة مستحيل يصد قلبي عنها

حافظك بأصغر تفاصيلك وكل ما أسبابك

ومعتبرك اجمل توافيق القدر واثمنها

جعل يفداك القصيد اللي يثير اعجابك

تدري ان ذكراك بين الذكريات أزينها

من كثر ما ذكرياتك ترتبط باطيابك

كل يوم امر ذكرى واتطيب منها