كلمات اغنية طعنة صديق محمد خضر 2019

 طعنة صديق

الا واحـسـافـه ياصـديـقـاً به اتهقويت

تـغــيــر وبـادل طــيـب قـلـبـي بنكرانه

نسا الطيب ليت اني عن أمثاله استغنيت

ويا ليت الردي نعرف صفاته وعنوانه

عطيته وفاء واخلاص والى من نخاني جيت

اسوم العمر لا شان وقته وخلانه

توقعت ما يخيب ظنوني ليا ناديت

ومعي بالمواقف ما توقعت .. هجرانه

صدمني بـ طـبعـه ليتني فيه ما ظنيت

وابد ما هقـيـت يصك بالضيق بيبانه

توكل وجافاني وجحد كل ما سويت

وانا كنت في ضيقه له أقرب من إخوانه

الا يا زمـانـي ليتني فيك ما خاويت

صديقاً جرى حب الردى بدم شريانه

يغـير طـريـقـه عـن طـريـقـي ليا ونيت

وانا لا تـكـدر صـرت واحــــد مـن أعوانه

جرحني بطبعه يوم خان العهد وامسيت

مثل واحدن قضا حياته بزنزانه

جرى اللي جرى وانا ورب البشر حبيت

اترجم شعور الناس بالشعر والحانه