كلمات اغنية ماعندك وفا محمد خضر 2022

ان كان ما عندك وفا لا تصير نكار الجميل

ترى الجمايل والوفا تبقى رغم نكرانها

احيان نعطي من سعة واحيان نعطي من قليل

واحيان ما نلقى السعة بصدورنا وجنحانها

نمشي تحت حكم الولي ما للقدر عنا مقيل

والله وكيل احوالها .. والنفس يعلم شانها

اليا ذبل غصن الشجر واصفر واغراه الرحيل

تستسقي الارض السماء ويلوح طيف امزانها

حتى المطر له عزة تروى وله وقع وصهيل

واليا رضى ينزل لجل يجبر بكسر اغصانها

كانت امانينا تزيح الغيم وتنافس هميل

لكنها طاحت من العزة .. مثل هتانها

كنا نروم الفوز في قلبٍ على الدنيا ثقيل

ونشيل من همه هموم راجحٍ ميزانها

كنا نزاحم معضلات الوقت ونجيب الجزيل

والمستحيلة مستحيلة لين طلت ارسانها

على كثر مدات معروفي احس اني بخيل

بالبعد وبقل الوصل مع الجفا واخوانها

وانا رغم كثر العطا مازريت من قل الحصيل

يا كثر ناس تخسر احبابه بكثر إحسانها