كلمات اغنية انا مرايتي محمد خضير 2020

أنا مرايتي فمش محتاج كلام من حد يوصفني

أنا عارفني وشوفت بعيني تجربتي وانا بتهد..

ولما وقعت ملقتشِ ايدين يتدموا يشيلوني

وقفت بطولي بسندني ومستنتشِ عون من حد

ومين منكم حِضر تعبي وقالي في بكره جي الخير..

ومين كان شاف دموع يأسي وقلة نومي م التفكير..

انا عارف قيمة نفسي عشان بين الجميع أنا غير

أنا بقوى عشان عارف بإن الحلم يستاهل

لا بتساهل ولا وقتي بيقدر لحظه يسبقني..

وهختار ناس تصدقني يبنوا مش هيدّوني

ويبقوا قشة في وسط موج اليأس تلحقني

اللي كان مكتوب في ورقة

على الحقيقة بنفذه

كل حلم أنا سبته يغرق

جه المعاد إني أنقذه

اللي راهن إني هخسر

اتضح له بإني هقدر

لما شاف بعنيه عزيمتي

في كل جول أنا بحرزه

لو تعوزها نصيحة مني

اوعى تتهز بخساره

الحياة ملهاش ضمان

والمغامره بدون أماره

عادي تخسر في البداية

كل ركّ على النهاية

بكره تتكتب الحكاية

تكون بطلها بالشطاره

دنيا نحلة تعوز عسلها

يبقى تقبل قرصها

النهارده فيه مر دوقته

بعده هتدوق حلوها

بس سيب نفسك وروق

بكره صبرك ده يحوق

حط جوا القلب ورده

واوعى تقبل قطفها

انا عارف قيمة نفسي عشان بين الجميع انا غير