كلمات اغنية أبويا محمد رأفت 2025

كالعادة قاعدين بنحكي

زي عادته كل يوم

نبرة صوته كانت عادية

فجأة مش قادر يقوم

السكوت قطع الكلام

افتكرته ساعتها نام

فضلت أنادي وأهز فيه

جسمه سايب مافيهوش روح

رد قوللي إنك بخير

وان كل ده كان هزار

مقلب فيا عملته كتير

بس أوعي في يوم تروح

في ودني آخر جملة اتقالت

انت ضهر أمك وإخواتك

أنا دمعت أعصابي سابت

لما شوفت الموت في عينيه

مين هيملا في يوم مكانه

مين اللي بعده هعيش عشانه

الفراق خد مني ضهري

اللي انا مسنود عليه

لحظة صعبة عايزها تفوت

نفسي أرجع بالتابوت

بدعي إني أكون مكانك

بكره أقابلك ع الصراط

عيني تعبت م العياط

والكلام طالع سكات

للي بيقول بكره تنسي

أنسي إيه أنا أبويا مات

من يوم ماغاب أبويا

وانا غايب م الحياة

خد كل الحلو معاه

وحشني دخلت مكانه

لقيت كلام بلسانه

مليان وجع وآه

أنا تعبت كتير في دنيتي

وحسن الختام

كل اللي كان يسألني أقول

راضي وتمام

ولا يوم شكيت غير لما زاد

فوق إحتمالي

كتر الوجع

زود عليا وقت ليلي

والشدة زادت

يوم بيوم هدتلي حيلي

خلصت حلولي

وربنا العالم بحالي

زورت الحرم وبكيت

زورت الطبيب وشكيت

والشكوي غير لله

دي مهانة ومذلة

شوفت اني ماشي في يوم

بتعب وأشيل في هموم

هسيب اللي من صلبي

ولا قادر أتكلم

واقولها بس ازاي

والعمر راح مش جاي

والله انا راضي

انا ماشي ومسَلم

آسف يابويا

لو في قصرت وماحسيتش بيك

مع كل نظرة ضعف

شوفتها يوم عليك

كان نفسي أشيلها عنك

واتحمل أكتر منك

بقي حلم بعيد عليا

اني تاني أبوس إيديك