كلمات اغنية ناس وناس محمود الأشول 2025

ناس وناس

ثِــقْ بـمن عــروته وثقــى وحبله وثيق

لجل تسبق خـــطـى الأزمـــان وتفوقها

بعدها اختار من قبل الـــطريق الرفيق

فـالقـوافل أبــــــد مـــا بــرّكـــت نُوقها

الـطـرائـــق عـــديـــدة والأوادم طـبيق

والنجى من هلاك الــدرب فـــي طوقها

للمـــــذلة طــريق وللـــمــــعــزة طـريق

والنفوس الوضــيعة تـــحـــــتـها فوقها

للرجـــــالة فريـــق وللـفـــســــالة فريق

تغرب الشـــمـــــس والا تــعلن شـروقها

كلمة انـسان فـــي بعض البـشر ما تليق

تأبى الإنســـانـيـة يـبـتـاع فـــي سوقها

جفّ مـــن فم عـــــــزة نفـسهـا كل ريق

الخــــزى والخــــباثة والــــــردى ذوقها

بس الأجواد تـبقـى كالـــذهـب والعقيق

ما تغير طـبــــــايـعـهـــا ولا اْ خــلــوقها

كلما الوقت يكويهــم يــزيــــدوا بــريق

ما تــنقّـض عـقـــايــدهــا ومــوثـــوقـها

فاعلم ان الصديق الفسل ما هو صـديق

دام قـلــبــه مـــن اللي تـبـلــغ ا حـلوقها

واحــذر ا تضيق باسرارك وتفتح غـليق

لإنها صـعــب تِــرجِــعـهـا لــصـنـــدوقها

واحمل الكـفـو يحمل عنك ما لا تـطيق

وابذل الـعـفـــو تلقــى عـفـو مـسبـوقها

واتـكــل بالــذي مــا شي يعيــقه مُعِيق

واعرف الفــرق بيــن الناس وفــــروقها

حد يبا كـــفّ لــومـــا من سباته يـفيق

وحـــد يدمّـــــر صلاح النفس بفسوقها

حد يخاف البـلل مــا يـعرف إنه غـريق

وحد يشطط عروض الـــناس ورتـوقها

زارع الشـوك أمام الخلق طول الطريق

كـيــف يجــنـي ســفـرجـلـهـا وبرقوقها

من على الوهـم يرجو من ذبابة رحيق

طاح عمره وضـاعــــت نفسه ا بشوقها

ناس تاريــخـها فــــي وحل ذلة عـريق

وناس تجـــــري كرامتها فـي ا عـروقها

ناس فـ الهاوية تهوى المكـان الـسـحيق

وناس عرض السماء ذي لاحـت اْبروقها

ناس كالهم تِحدِث وسط صـدرك حريق

وناس مــرهــــم دواء للنفس وحـروقها

وناس مثل(الأمول)وناس مثل الصقيق

وناس لا تـحــت قُــــدرتـهـا ولا فـــوقها

عَلَّم النفــس واسـقـيـها الغــديق الغديق

ولا تـرمـم خــراب الـنــفــس بـشـقـوقها

ذه نصيحة لها معنى عـمــيـق اْو دقيـق

سوق نـــفــســك على مضمونها سوقها

دام وانا بــفــضـل الله حُـــــرّاً طــــليق

بالضمى اهلك، وكــــأس الذل ما اذوقها

خالقي صـاحـبي في كل فُسحة وضـيق

وكل غــاية سـوى الـخـــلاق مــا اروقها