كوبليه ما هي كلمات اغنية ذهاب وعودة مروان موسى ...؟
تاريخ طرح اغنية مروان موسى الجديده ذهاب وعودة
١٤ مارس ٢٠٢٠
كلمات اغنية ذهاب وعودة مروان موسى 2020
أطرافي نملت من البرد مش بترعش
مستني خبر حلو، مستني خبر وحش
جايلي إحساس إن دي نهاية الفصل
مستني السما تعيط، مستني جنب النهر
مستني الخبطة ولأ ماليش فـ علم الغيب
مستني الخبطة ومش بإيدي شيء
ناس مستنياني أديهم حاجة مش عندهم
فـ راسي المينا مليانة سفن
والرجولة مش هواية
ناس مستنياني أديهم حاجة مش جوايا
لحد إمتى تنكر
لما الحيطان تضيق وستارة المسرح تنزل
بلبس الساعة فـ إيدي الشمال
بلبسها للشكل مش فارقلي الساعة كام
بلاش تكلمونا، بلاش تعلمونا
هنمسح المعلومة، دماغ مفهاش مرونة
خدنا الطريق فـ مينيت، ذهاب وعودة فـ مينيت
ذهاب وعودة ولسه مفيش أي حاجة إتحسنت
إدي الحاجات وقتها، إدي العيش لخبازه
فين الأبطال، فين التكافؤ
فين المنافسة، بسلك بيها سناني
العالي يقعد بس مع العالي
برمي الشبك وأرضى بالرزق في نهاية السنة
خايف رجلي تركب الهوا تهد اللي إتبنى
شايفينها سبق، أنا شايفها رواية
بتغير الألوان، بغير الزوايا
أعملها أنا معاك متقدرش تعملها معايا
باصص في الخريطة ومش لاقي نقطة بداية
عنينا ياما شافت، العضم هنا ناشف
غطسنا الهموم فـ بحر مالح، باشت
إيه العمل، نتفادى الوحدة بأي تمن
ماشي عكسي فـ دماغي يمكن يرجع الزمن
تاني نكنسل على الواقع لما ينادي
تمانية في المية وضباب في الصدر ليلاتي
من غير المسكن بأبدأ أسرح في البلاوي
محكمة في الجمجمة أنا القاضي وأنا المحامي
ذهاب وعودة وأنا لسه واقف
في الجيوب بواكي
في العيون كواكب
في الدماغ تردد
في الطريق حواجز
في المجال أوائل
أطرافي نملت من البرد مش بترعش
مستني خبر حلو، مستني خبر وحش
جايلي إحساس إن دي نهاية الفصل
مستني السما تعيط، مستني جنب النهر
مستني الخبطة ولأ ماليش فـ علم الغيب
مستني الخبطة ومش بإيدي شيء
ناس مستنياني أديهم حاجة مش عندهم
فـ راسي المينا مليانة سفن
والرجولة مش هواية
ناس مستنياني أديهم حاجة مش جوايا
لحد إمتى تنكر
لما الحيطان تضيق وستارة المسرح تنزل
اغنية ذهاب وعودة مروان موسى 2020 بالكلمات مكتوبة كاملة تم طرح اغنية مروان موسى الجديدة على القناة الرسمية على اليوتيوب بتاريخ ١٤ مارس ٢٠٢٠ كوبليه كلمات اغنية
