كلمات اغنية اخر الأحباب مسعود بن شعفول 2025

‏ليا صار وجه الليل كنه جناح غراب

‏وطاب السمر للعالم الاكترونيه

‏خذيت الخوي الي مراكاً على الدولاب

‏وسريت وتنحرت الفجوج الخلاويه

‏ادل الديار النازحه دون قوقل ماب

‏وقبل تعرف كشوت البلاد الحداثيه

‏لا راحت خطوط البر كنّها مساحب داب

‏وضفا دون نجم الجدي سحبٍ ركاميه

‏ماضيعت مدهال الغلا واخر الاحباب

‏لو ان جيتي لـ الدار ماهي ضروريه

‏آمر الاماكن دون موعد ودون اسباب

‏ولا زلت احلف ان بعدها ماثني الجيه

‏انا شاعرٍ لو تخطف ابياته الالباب

‏ترى كل بيت ينقض جروحه الحيه

‏يجيني شعور اللي ورى قفل بابه باب

‏لاناحت على غصن الوله كل قمريه

‏عسى الداجي اللي تومي بـ نوده الاطناب

‏يحول على جرد الديار السناويه

‏تتابع لياله فوق وجه الثرى صباب

‏ويقلب شهاب فجوجها لون زوليه

‏سعت خاطري جو شماله ثلاث هضاب

‏واعدوده قرااااح وعزبة الذود شرقيّه

‏القى في نسيمه سلوة الخاطر الي طااب

‏من المدن واجراءاتها الاعتياديه

اما عند وضحآ فارع زينها جذاب

ولا ملاعب العجم السناد الغرابيه