كلمات اغنية حفل سلمان ملهي مسعود بن شعفول 2024

حفل سلمان ملهي

تكفكف شعاع الشمس والليل وجهه بان

بعد ماخذت من وجهي إشراقه ولونه

حمار الشفق في خدة الغيمه مسيان

أثر صفقة إيد مراهق بخد مزيونه

ياليل الشتاء تكفى تلطّف ترى الولهان

إلى طاوله ليل الشتاء باح مكنونه

تسلّط علي كنك وطيفه علي أعوان

تذكرني عيونه ، وتنسيني طعونه

رهنت أجمل سنيني لعينه بدون رهان

خذا ماخذا منه وقفت به ضعونه

عطاه القبول ، إلي حرمني من النسيان

النسّـاي لولا نسيّـته جنت جنونه

يامعشر من يحسون بالشوق والخذلان

انا أكثر من يعاني من الي تعانونه

اذا صار مصدر خوفك الي عطاك أمان

ودّع قلبك الله والله يكون في عونه

هذا الوقت كثر خيره الي يصير انسان

الإنسان صاير منقرض ما تشوفونه

كريم المشاعر ينخذل والبخيل معان

على كثر مايعطي البنادم يخذلونه

من الناس في كبدي مثل جمرة الدخان

بديت آتحاقرهم من الي يسوونه

أشوف إنبساطي في إنعزالي بعض الأحيان

الحساس لامنهْ أنعزل لا تلومونه

لكن لاعبس وجه الليالي علي وشان

أدوّر على المطنوخ وأظرب تليفونه

أبي لي رفيقٍ للشدايد مثل سلمان

أبو ملهي إلي جعل الأنذال يفدونه

لامنه غدا وجه الضغيّف ثلاث ألوان

تقدم وشل الحمل بيديه ومتونه

هو حزام أمان إلي يبي له حزام أمان

قبل ينطق أبشر بالسعد تنطق عيونه

أخوي الصغير إي والله إنا مثل الأخوان

يبيع العمر دوني وأبيع العمر دونه

على صغر سنه محتمي صيته الرنان

يسوي إلي غيره ما أستطاعو يسوونه

نجاحه صنع له من ضعوف البشر عدوان

كلا كبودهم وبعذرهم يوم يعادونه