كلمات اغنية ليت الدموع مسعود بن شعفول 2021

يا سيف عدينا كثير النوايب

للحمل متن وللمصامخ امجابه

شفنا من الدنيا واهلها العجايب

شيً يخلي الرجل بـ اول شبابه

من شافه ايحّسبه من الهم شايب

الوقت حطه بين ضرسه ونابه

وجدي على من ساق عوص النجايب

روّح زمانه واهو يطرد سرابه

ما طاب له جرحً ولاهوب طايب

كن بين حدّب اضلوع صدره احرابه

لا ذعذع الغربي نسيم الهبايب

غدا بهاجوسه وهمه غدابه

من ساع يطري له حسين الذوايب

كن ونته لا ون جرة ربابه

حالي مثل حاله وشفت الغرايب

من مهرتن فيها الحسن واللبابه

ما ناب عنها داخل القلب نايب

غير الحزن بـ قفايها والكأبه

من حبها مانيب سامح وتايب

ياللي تبي على السؤال الاجابه

ادموع عيني من بعدها سكايب

اتقول كن في وسط عيني سحابه

ليت الدموع اترجع النا الحبايب

الي نزح والي ركزنا انصابه