كلمات اغنية يجور الوقت مسعود بن شعفول 2021

على مبدا غرامي واحترام الموعد المهجور

لفيت ولا لقيت الا الحنين وماضي سنيني

حبيبي والاماني ذكريات العاشق المذعور

وانا رغم انتظاري ما لقيت اللي يواسيني

تقول: الناس ما همه وعايش ما عليه قصور

وانا والله من بعدك دموعي عانقت عيني

تعال وبدد الظلمى ترى عقبك فقدت النور

تعال ولا تشمت بي قلوبٍ ما تدانيني

غيابك علةٍ ما هو يداوي جرحها دكتور

وجودك طب جرحي وانت غيرك ما يداويني

هلا بك عد ما غبت وحضرت وللغياب حضور

هلا بك وانت اول شخص واجمل شخص يعنيني

على شان الغلا من يجبرك يا الخاطر المكسور

وعلى شان الوله ومن أوله لآخر عناويني

فداك الشوق وقصور الهيام وما احتواه السور

وفدتك اغلا مواعيد الغرام ولا تبكيني

يجور الوقت وتمر الليالي والزمان يجور

وانا ثابت غلاي ولا يزعزع ما بقى فيني

تذكرني وحاول ما يموت الموعد المهجور

ترى ما عاد باقي غير هذي بينك وبيني