كلمات اغنية راية السعدون مسفر السندوانة 2025

لا سج بي فكري سرى بين المعاني والقصيد

عايف وجيه الوالمة يتعب على المستقعده

ويقند على فعل الصخا ما هو على بن العميد

راس ٍ بحومات الوغى ما كل فعل ٍ يقعده

يا كود فعل اللي مسمى بالقديم وبالجديد

اللي تحط من المدايح فيه قومه وقعده

من ضرب يمنى مايجي فيها حلوف ولا وعيد

وصملة مواقف ما لحقها فيه شكه ورعده

يا رياض لك جد عل الطالات والبأس الشديد

اللي على كون الشعيبه ذل كوكس وابعده

لك يا بو ثامر راية السعدون والفعل المجيد

يامن تسامى فوق شبحه وأحتما دون وعده

يا ترثة محمد ومانع والبيارق و الشهيد

و حاضر مغذية اليتامي وكل ماضي وبعده

يا فارج من كف جودك ضيق ومنوخ عتيد

يا كعام صلفات الليال و مدني المستبعده

حنا نماري بك هل النوماس و الراي السديد

وحنا نجاري بك سحاب الخير برقه ورعده

يالسيل يالغراف يالهداج يالراس العنيد

من جاك من ضيق الوسيعه راح يبشر بسعده

يالصامل اللي تدرك الكلفات وتفك الحديد

اليا اعرضت لك جيتها وليا اشملت مي مبعده

مرات احنك من كثير الناس والبذل المديد

و تقول كل عينن رجتني نذر تقفي مسعده

واقول والتاريخ يكتب كل ما قلت ويعيد

المجد لو لا راحتينك ... كان مدري شبعده…