كلمات اغنية صامل السيوف مسفر السندوانة 2026

صامل السيوف

من عـاصـمـة دار الـشـريـعـه والإســلام

درّة مـيـاديـن الـهـجـن قبلة الضيف

يدور فـ صـدور المـجـالـس خـبــر هام

عـنـوانـه (الـهـابه) يـا طـلابـة الـسـيـف

طير السعد يا اهل الهجن في السماء حام

ويطمّـن أصـحـاب القلـوب المـلاهـيـف

بـالـحـايـل اللي سجّـلت بإسمـها العـام

فـعـلٍ على السـاحـه ما يحتـاج تعـريـف

جـات بحضـورٍ يـدفـعـه شـوق وهيـام

كـنـها الخَـوِي شـفقٍ على صبّـة الكيف

في لـيـلـةٍ رزوا لـهـا كـل الأعــلام

ولا حــدٍ فـيـهـا يحسب التـكـاليـف

سيف الملك لأهل الهجن مصدر إلهـام

نـامـوس ومـصـافـح قـيـاده وتشريـف

طـارت به اللي حطّـت السُـبّـق أقسام

كـم شـوط رمـز حطّـته في عواصيـف

كـدريـةً فــيـها من أوصــوف الآدام

جردا لحم ما غير عظـم وغضـاريف

إن روّحت في مقـدم الـشـوط قـدّام

قرينـهـا يشـنى المراويـح ويـعـيـف

وإن أخّـرت وأوحت لها صوت نـهّـام

تلحق لحـوق يأخـذ العقـل ويـخـيف

كـنـْـه يـتـواقـد تحـتـها سِـلك لَـحّـام

وألاّ شـرارٍ يـشـتـعل في طـرف لـيـف

تــاطــا بــخُـفٍ كـنّـه يـثــوّر ألـغـام

من سرعته لو لامس القـاع ما شيـف

تـيـّـار مــوجٍ غـــادي لــه تـلــطّــام

ما جاء على دربه حذف به على السيف

بشعار شيخٍ محتميها لا تنضام

وخلى لها بأعلى المنصات تصنيف

يوم ألتفت للهجن حظ الهجن قام

ودعمه لأهلها يجعل سنينها ريف

وعـنـايـة اللي حـطّ له بصـمة إبـهـام

لا من حضـر بمضمّـرات السراجيـف

فــاران والتـاريـخ يشـهـد والأرقـام

ترفع له البيضـاء بروس المشـاريف

امـتـوّج بـسيفـين فـ أقـل من عـام

سمّـوه بالصامل وهو صامل السيف