كلمات اغنية مصامخ الروس مسفر السندوانة 2025

الخيل له فرسان والفعل ملموس

ومن ماجتهد ماطال روس الطويلات

والمجد فالميدان ومصامخ الروس

سلم ال مره كاسبين الجزيلات

والقرم ابن عايض كسب كل ناموس

ومحقق اهدافه وكل الطموحات

هجنك لها تاريخ ماهو ب مطموس

تشهد لك الدوحه وتشهد الامارت

فعلن على برهان ماهو ب مدسوس

سلام لك يا نجم كل البطولات

ضمرت لك شرد تروح مع الكوس

قحف البطون اللي تخطف المسافات

اللي تسابق ضلها والعصى قوس

تصل النهايه والهجن مابعد جات

لاحركت ماهي على قاعها تدوس

كن ودها ب مدرجات المطارات

ان جيت اوصف وجهه وان جيت نسنوس

مايقدر يعذرب بها كل شمات

كم تيم تحت اخفافها راح مدعوس

نوعيت(ن) تدجر بصوت الجهازات

يجيبها اللي في مطى الهجن سنعوس

يعطي ذلوله حقها عشر مرات

كنه مع اهل السبق يمارس طقوس

امضمرن كل يوم يرقى المنصات

ياتي بخطوى اللي على السبْق تروس

اتهيض الشاعر لاغنى ب الابيات

هذي هي اللي تعطي اخصامها دروس

و لا رفت الاعلام جت بالسلامات

فالملتقى والجو فالركض مانوس

صوبك يابن عايض نسوق التحيات

تفرح لك نفوس(ن) وتكوي لك انفوس

فالهجن ولا في جميع المجالات

افهيدي(ن) بيرقه ماهو ب منكوس

رايته رفت فوق روس المنيفات

محمد العايض يدوس الصعب دوس

يقول ل اهل الهجن في كل الاوقات

اليا حضرنا نصمخ الروس ب الروس

وان غبت فالدعوه عليهم سهالات