كلمات اغنية هجن سليم الجهني مسفر السندوانة 2025

هجن سليم الجهني

يامرحبا بالطاري اللي فيه طاب

اجمل قصيد المدح كله واعذبه

يابن رويشد لو تطوّل فالغياب

هذا مكانك مانزل لو مرتبه

اللي منازلهم على روس الهضاب

ولا وطاها الا العقاب بمخلبه

وشبوحهم ماهي بمن دون السحاب

اللي ترازم له كبودٍ مجدبه

لو ان للناموس والطوله كتاب

بدا بكم على غلافه كاتبه

تستاهل الناموس يادمث الجناب

قدام من يفتل للاخصام شنبه

اقدم يبو ياسر بقلب ما يهاب

وجدد عهد ناموس صبر ومتعبه

بـ ندرٍ ما غير مكسبها صواب

عموقها مصيونةٍ ومنتبه

مثايل اللي شاب فيها الوصف شاب

لا روّحت فالشوط الاول مطلبه

ومعاني اللي كن غارتها عذاب

كنها تعمد شوطها بتخربه

ولا قعودٍ مايجي هله ارتياب

اسمه كفو والاسم كنه ينسبه

هذا وعاد السيف باقي فالجراب

والعز ماحاشه صبيٍ يطلبه

واللي له يحسبون الاشناب الحساب

ما يااصل اللي وصله الا بتعبه

والباب من دقه يدور للجواب

ماهو بلاقي له جوابٍ يعجبه

وعاد الوعد لا بان نجمٍ ثم غاب

في مهرجانٍ كل ابونا نرقبه

وحوّل بسرداً كن اذانيها حراب

مذخوره لشوط العصر ومجربه

مايطردون اللي وراها الا السراب

و راعيّها ياصل عليها مطلبه

بنت اشقرٍ قليل شكله فالركاب

منتبٍ ساسه الاصل ومعربه

الى نطحته كن بين ايديه باب

والى قهرته كن تحت يده اعتبه

متشغدرٍ كنه يتفكر فالسحاب

ما رقبته بعنجا ولا فيه خنبه