كلمات اغنية احترت فيك مشعل الشراري 2026

يانور عيني والله ان قــدرك ثمين

يا أرق واجمل من عرفته بالحياه

محبتك تجـري مع حبل الوتـين

ولافيـه احد غيرك يشد الانتبـاه

فـرقك ربـي عـن جميـع العـالميـن

مالــك شبيـه لا فالارض ولا سمـاه

فديت انا ذيـك الملامح والجبـين

اللـي تلد العيــن من شده ضيـاه

ومع ان حــنـا فالقـصايد مبـدعيـن

وقصيدنا ينقش على صم الصفـاه

وصفــك يسـاوينا مع المستشعرين

حــتى لـو انّ حنـّا شواعيـر ودهـاااه

ودعيـت ربــي بالغـنـا قـبل سنتين

وجابك وانشهـد جيتك هي الغناه

واحـترت فيك الصدق ياربي تعين

العقل عـــديتـي طبـيعه مستواه

ملاك مدري انس مدري حور عين

عزالله ان اللي يشوفك صدق تاه

لاجيت اشبه ماعرف من تشبهين

مايشبهك ياكــود عكسك فالمراه