كلمات اغنية يامفارقة مشعل الشراري 2025

يامفارقه ماخطفك الشوق والذكرا

وشلون هانت على قلبك نسيتيني

وانا اللي طيفك معي لا لاحلي مسرا

ويزين مسراي دام انتي تسريني

ياعنق ريمٍ عن القناص له مذرا

وياعين حراً على الهده يهقويني

انتي مع الخلق مايخلف لك الامرا

حورية الوصف غيرك ماملا عيني

معقوله اني على بالك ماعاد اطرا

ياللي على البال دايم دوم تطريني

في كل ليله وانا لك هاقي المحرا

واقول والله ماتنسى عشرة سنيني

كانك عن الحاله اللي داخلي ادرا

ماغير قربك لي علاجً يداويني

ايام عمري بدونك كلها قشرا

وانتي وجودك عن العالم يكفيني

مديلي الوصل كان الوصل له مجرا

انا بعد غيبتك فاقد عناويني

عيني على شوفتك ماعندها صبرا

وقلبي ضمياً عليك ومسرفٍ فيني

واللي جعل حبك بدمي له المسرا

انك سكنتي بقلبي مع شراييني

لو ان ليلي ضلام انتي لي القمرا

يااجمل سنين العمر واجمل محبيني