تاريخ طرح اغنية مصطفى حجاج الجديده جلد الذات (2 بليل)
٢١ فبراير ٢٠٢٤
كلمات اغنية جلد الذات (2 بليل) مصطفى حجاج 2024
آه من جَلد الذات
طول الليل بالذات
لما دماغك تبدأ تفتح
وياك الحكايات
لما تبل دموعك
من البُكا فَرشة نومك
وتفكر في حاجات تعباك
ما بقاش ليها علاجات
آه من واحدة إتنين بالليل
آه من تفكير نص الليل
آه من كل حكاية إتقفلت
بس اتسابلها ديل
آه من ذكرى بتنئح
آه من جرح بيفتح
آه من ناس سايبانا ولسه
فيهم برضو بنسرح
ندمك على قرارات
غلطك في اختيارات
سهران عمّال بتلوم نفسك
على كل الغلطات
روحك بتروح منك
متحسر على إنك
ضيّعت أجمل وقت فعمرك
على ناس كانوا فترات
آه من واحدة إتنين بالليل
آه من تفكير نص الليل
آه من كل حكاية إتقفلت
بس اتسابلها ديل
آه من ذكرى بتنئح
آه من جرح بيفتح
آه من ناس سايبانا ولسه
فيهم برضو بنسرح
مليون ذكرى وألف مكان
بيرجعني سنين لزمان
بيرجعني اشحت إحساس
مبقاش في الإمكان
مليون وجعه تهد الحيل
وزن همومي ده يملي النيل
قلبي معادش قادر عالشيل
بياخدني وبيميل
اغنية جلد الذات (2 بليل) مصطفى حجاج 2024 بالكلمات مكتوبة كاملة من كلمات أحمد شكري والحان مصطفى شكري وتوزيع أحمد أمين تم طرح اغنية مصطفى حجاج الجديدة على القناة الرسمية على اليوتيوب بتاريخ ٢١ فبراير ٢٠٢٤ كوبليه كلمات اغنية
- كلمات : أحمد شكري
- الحان : مصطفى شكري
- توزيع : أحمد أمين
