كلمات اغنية لاتطول الغيبة منير البقمي 2024

في خيالي غزوتن ماهي مثل غزوة مهنى

الحكيم اللي خذا فيها من الخواف شوره

يرتعد قلب الشجيع وينتهي صبر المعنى

وتنكشف زرق الدموع اللي سترها ستر عوره

الرموش اللي مثل سيف المهلهل والمثنى

بينن مضرابها في جلمد القلب محفوره

طعنة الكف المحنى كنها سيفن محنى

في يمين اللي ما ينظر للخلايق من غروره

كل ما صديت ابا اسلى جيتني منى ومنى

صرت فالاسماع صوت وصرت فالاعيان صوره

رق قلبن من ورا حدب الضلوع العوج غنى

يعبر بحور الشعر ويعبّر ابها عن شعوره

اتمنى منك كلمة ( جاك كل اللي تمنى )

واتحرا جيتن ماهيب فالبال مخبوره

كل ما هب الهوى من دارن يضمك شحنى

انبزغ ل الشعر نور وصار فالافكار ثوره

لا تطول الغيبه اللي اخذت المجمول عنى

الفراق يطلع الرجال من صبره وطوره

ما يشابه عزمي االلي في حياته ما تونى

غير قرمن صكته بقعا ولا بين قصوره

اذبلت حمر الورود وعودها بعدك تثنى

وانطفى نور المكان اللي خذا من فمك نوره

ابتسامة سنك اللي تبعد الاحزان عنى

خلت الهايم يدق من الوله ويدق زوره