كلمات اغنية ليل الشتاء منير البقمي 2024

 ليل الشتاء

لاخالفني ظلالي وعرضني الاكتاف

وورق الحمام عصير يسجع من اشجانه

فهقت الطواري كلها والشماغ خلاف

لحرزن مكين بدبرة الله سبحانه

‏ادور على السجه واعدي على المشراف

ولا اعين اللي ينسي القلب لاحزانه

مشرع ضلوعي للهوا واذكر اللي طاف

يا لين الدجا سدّل على الارض جنحانه

يامسرع مطيح الشمس في حزة المهياف

بعد حطها ليل الشتا بين حجانه

مثل ماتطيح الهامه بضربة السياف

وعقب المكانه ما تبقى لها خانه

يزوّل لي الطارف على داجر الكشاف

وعود السمر صفا المحاجر بدخانه

ويامل عين الي سرتبه طروق القاف

ماعوضه صح النوم صح الله لسانه

انا الي خيالي حر لكن من الاجحاف

ليا امسى خيالي حر وانا فزنزانه

ولا ودي آصير معا كل العرب شفاف

بعضهم تكانه والبعض ماهو اتكانه

شيوخ الفلاش بوقت الازمات ماتنشاف

وعلاقات ماهي لوالي الخلق خربانه

عسى الهجس للاتلاف والفكر للاتلاف

ان اصخيتها فالي لامذهب ولا ديانه

سلامي سلامن فيه صدق وغلا وانصاف

يدله نبا سلطان حامد لعنوانه

جذبه البساط الاحمدي من حجا المصياف

يبلغ تحياته وشكره وعرفانه

ترى الجاهل اللي يجهل الشيخ ابو سياف

وبعطيه نبذه عنه من قدر وميانه

هذا الي تشيخ بالمراجل وبالاعراف

وبمصقلاتن ورثت صيت جدانه

هذا اللي مرجع هيبة المشلح العياف

بعد وصلوه اهل المهايط للاهانه

هذا مجري الهايب هذا ممن الخواف

هذا تاقف شيوخ الاشده على شانه

مدامه على الدنيا ترا ماعلينا خلاف

يعز المقام بقو عزمه وبيمانه

ليا اركى على حمولن لربعه مهي بخفاف

نسفها على متنه ولا مست بطانه

اله في قيا مضياف وفنجد اله مضياف

كريمن يمر العام ماصك ديوانه

عمار الديار الي عوا ذيبها الحواف

يمينه سحابن يحيي القفر ودانه

ليامن سرا برقه مثل سفتي الاسعاف

اغاث الحيام ولا تصدره ضميانه

يراهن على حصانه ويحما به الميقاف

جعل جمجمة خصمه حذا حافر حصانه

مجدد مرابط خيل خيالة الاطراف

ولافيه مجدن مانسب له ولاخوانه

ذخر من يعدل الميل يوم السنين عجاف

بقت سيرته بين الرياجيل رنانه

مذاخر ذوي عايش حزام وذرا ولحاف

عضاوين وانفسنا من العز مليانه

سلايل دول بنيوس من ماضي الاسلاف

قلطنا على التاريخ من كل بيبانه

سنام المديح الي يجينا عليه اشعاف

ترانا معازيبه محنا بضيفانه