كلمات اغنية ملامح حياة منير البقمي 2016

يا عمري اللي بعد سبعة وعشرين عام

يا ليتك تصير للأحلام سترة نجاة

محتاج أعيش الحياة الباقية في سلام

تعبت أقاوم معاركها بكل اتجاه

الحظ ما جاد لي وأنا رفيع المقام

والحزن والهم في صدري وصل منتهاه

والوقت هذا تغير فيه وجه النظام

تبطش عليه ظروفه مثل بطش الغزاه

حتى الهقاوي وراء الأحلام راحت حطام

لو كان سدي ورا سد الليالي مداه

ولا جاتني زلة الأصحاب قلت الملام

على خوين ما يدمحها كذا لخوياه

وإن جاتني من رفيقي قلت يا أهل الكلام

مال الحكي والشماته من طرفنا رواه

ولو حطني وقتي القاسي محط اهتمام

ما كان صوت الملامة في المسامع صداه

تعبت من نوح حظي قبل نوح الحمام

واتعبت في رحلتي سطر الورق والدواه

في كل ليلة وسكين الحزن والهيام

على رقبة ابتساماتي تسن الذكاه

وانخا الصبر يحتويني قبل تصحى النيام

وأحاول أرسم على وجهي ملامح حياة

وما بين جور الظروف وذكريات الغرام

أقول طيرٍ جهل فيه الزمان وشواه