كلمات اغنية مليون ياحي مهند البطحري 2025

يامرحبا مليون ياحي

يابهجةً للدار والحي

كم ميتً منك رجع حي

وازداد عزم معنوية

كلما يذعذع كوس بارد

ياخذني الجو ل عطارد

شارد ولو ماني بشارد

واهيم في روحه وجيه

يحجب ضباب الريف تله

بين المنيفات المطله

وتصير ارضاً مستقله

الهام شعر وشاعرية

تجلس قبال الي تحبه

مصدر سلا قلبك وطبه

والغيم احساسه يصبه

برذاذ والنفحه هنيه

ارتاح لو زوله طرالي

محبوب قلبي لو ببالي

وش عاد لو يجلس قبالي

اكرم عطا واجمل هدية

او صاحباً مضمون صفه

الي يجي ثقلً وخفهً

مثل الخريف الي تزفه

ايدي الرياح الموسميه

تترقبه عين الظفاري

مايتبع الخط المداري

دايم على خله يداري

مايتركه حتى المنيه

وظفار دره في بلادي

كالصف لو نادى المنادي

تتسابق اكفوف الايادي

حتى يحلون القضية

الضيف فيهم ماتغرّب

والقول منهم ماتسرّب

وان ينتخو سيفً مجرّب

اهل المواقف والحميه

الجود ينزل من سماها

والخير يطلع من ثراها

والله من فضله حباها

للناس وجهة عالميه