كلمات اغنية يوم اللقاء مهند البطحري 2025

يالهـاجس ابدع بالقصايد

قـم رصّــها تسـلم يميــنك

وانشــر بهـا عبـر الجــرايد

واعزف على اوتارك رنينك

يا مرحـبا ذيـاب ابن زايد

يـا مـرحــبا طـلة جبيــنك

يرحّب على طول الموايد

يهـناك يـا زايــد ضنيــنك

حفيد أحمد آل بريك قايد

وقــرة لعيــني والــدينــك

بك نحتـمي يـوم الشـدايد

فـي يـوم تكبـر بك سنـينك

لك شـوق بين الأهل وايد

والكـل حـولـك ناظـرينـك

يوم الفـرح يـوم السـعايد

يـوم اللقـاء بيـني وبيــنك

يا مكـسبي وأغـلا الفوايد

يوم ألتـقت عيـني بعيـنك

وتربـى على خيـر العـقايد

ماسك على أخلاقك ودينك

ماسك على اسلاف العوايد

والله يطــول فـي سنيــنك

يحـميك من حاسـد وكايد

ويرعاك في حسنك وزينك