كلمات اغنية سيف مضمونه نادر الشراري 2026

سيف مضمونه

يابن سلومه ياك علمي وبيانه

وده سلام ايرّه المنشد لحون

مني مخصص له سعيد المنانه

لا وردوا ع الكايده ورد اظعون

من عز ربعه ربي يعز شانه

مواقفه يعلم بها خالق الكون

هذا الرجل من عاش يسبق زمانه

له نظرتن عليا ولا يلتفت دون

في مشترى وانتاج يكسب رهانه

قدر الذلايل عنده سعيد مصيون

لسيف المحليات اكبر مكانه

بسمه ابو خالد الناس يتمنون

وشوط العصر روحله بعنفوانه

شوطن له كبار الشعارات يسعون

ياهم بشقرا من انتاجه مصانه

ما ذاقته طعم الهزيمه ويدرون

كأس الثنايا شلته في زمانه

خنجر الحول لخفها صار مرهون

المتحدي لا تحدى بأمانه

الموت الحمر منافسينه يشوفون

الذيب م يهرول عبث من مكانه

لا يات مضمونه غدا السيف مضمون

يرّه من انصابه فقبضة بنانه

له صفقوا الجمهور وامسو يهنون

الذرب سالم بن سعيد المنانه

واحمد على يمناه للكايده عون

مضمرن فالضمر عندها تكانه

مسايره موزون والضمر موزون

وختامها يعله مريح بزمانه

الشعر ما يوفيه ولو ايرّها لحون