كلمات اغنية ضيقة العاشقين نادر الشراري 2025

لاغابت الشمس تشرق ضيقة العاشقين

اللي فياض الوصال بحبهم ممحله

تاخذهم الذكريات لعالم الغايبين

على سنين المواصل مرحله مرحله

وانا على فاتنة عمري ذبحني الحنين

انام على الوله واقوم على الوله

ليل المواصل يمر العاشق برمش عين

وليل المفارق كئيب ولا عليه عجله

حبيبتي ليه رحتي ليه ماترجعين؟

من يوم رحتي وقلبي ماسلا ولا دله

افخر بحبك واباهي به طوال السنين

حتى لو الحين مابيني وبينك صله

ما انكر اني احبك حتى لو تنكرين

مادام حبي على العز وعلى المرجله

في كل ليلة من غيابك اجر الونين

ماني بمرتاح والاوضاع متبهذله

ماودي اقول روحي روحة الاولين

خايف تروحين واردد عساها اوله

احتاج قربك مثل ما احتاج للاكسجين

واشتاق لك مثل شوق المغترب لاهله

ترا ماهي مشكله لو جيتي تعاتبين

ولا انك تفارقيني هذي المشكله