كلمات اغنية اجمل الحب ناصر العيافي 2024

هبت هبايب غلاك بكل وجداني

حلم ٍ تهادىٰ ويسري بي على هونه

يا أجمل الحب في قلبي وشرياني

يا احلى قصايد فؤادي وأعذب لحونه

أسج بأرضٍ خلا كل شي بها زاني

واشب ضو وتشب بخاطري شجونه

إن مر طيفك بليلي كن يغشاني

حلم ٍجميلٍ يداوي القلب وطعونه

وذكرى جميله ألاقيها وتلقاني

ياصاين الحب وقلبي مثلك يصونه

من الغلا خافقي تهمي به أمزاني

وبه روض معشب وزانت مثمر غصونه

وخيام بدوٍ بقلبي هزت اركاني

تخفق غلا وفي ذرا الخفاق مصيونه

لامرنا الغيم أسقى الروض وأسقاني

واحباب قلبي بعيدٍ مايمرونه

ياغيم اهمي علي ولا تعداني

مادام خلي يحول البعد من دونه

حبيت مزن السما من حب خلاني

هم يعشقون السحاب ودوم يرجونه

وبرق ٍ سرى في عتيم الليل وأشجاني

يازين ومضه وما أحلى بالدجى لونه

ب اشتاق لأحلامي وحبي وتحناني

وب ارقب سنا البرق وب ارجي دافق مزونه