كلمات اغنية اجمل مشاعر ناصر العيافي 2025

تهب نسمة غلا والشوق بي يسري

اذكرك يا اجمل مشاعر بين خفّاقي

وتهل غيمه ووادي حبنا يجري

قطرات حب تناثر فوق اعماقي

ويزهر حشاي ويزين بقربكم عمري

تعشب رياضي وتثمر سدرة اشواقي

لا مر ذاك الحنين اللي غشا صدري

ابتل روض الهوى واخضرت اوراقي

يازين ذاك السحاب اللي على خبري

يصب وأهيم به لا لاح برّاقي

واللي بقلبه جروحٍ علها تبري

مع روعة الجو مايبقى بها باقي

يامشغل البال وساكن عقلي وفكري

ومستوطن الروح ومالي كل آفاقي

سكنت باقصى الحشا وياكثر ماتطري

مرسوم بأقصى فؤادي وبين أحداقي

تدري عن الوقت وإلا عنه ما تدري

ماانوي فراقك انا ولا تنوي فراقي

ولا غاب نور المنى بيضوي لها فجري

يغيب وبعد الظلام بيشرق اشراقي