كلمات اغنية احسب الساعات ناصر العيافي 2021

أحسب الساعات وأعد الدقايق

وأتذكر للعمر أحلى سنينه

وكل مأذكريوم كان الجو رايق

و أتذكر فرصه العمر الثمينهً

صرت مثل اللي على التلواح تايق

يكفخ ورجليه لسبوقه رهينه

ياوجودي وجد جمهور ابن شايق

يومهم ذاك النهار مودعينه

الزمن يصدمك في بعض الحقايق

والعمر يفنا ولوطالت سنينه

كن في صدري من الفرقا حرايق

غيبة الغالي على نفسي غبينه

وأبتسم للناس مهما كنت ضايق

والمولع تفضحه نظرات عينه

ليت خلي داخل أعماقي يوايق

ويدري إنه فرحة الروح الحزينه

وليت خلي يكتشف كل الحقايق

ويدري إنه ريف قلبي والضنينه

والعذارى كلهن عنده علايق

كنهن بالوصف خاتم في يمينه

فارق(ن) بالوصف مابين الخلايق

وعند كل الناس توصف بالرزينه

مادخل في غرته خادم وسايق

ماخذ كل الأدب من والدينه

وكل شي(ن) في لطيف الروح لايق

ياخذ عقول العرب في رق زينه

في عيوني عن جميع البيض فايق

امتلك تفكيري بعقله ودينه

يالطيف الروح اخذها بالوثايق

أنت عندي مثل ربان السفينه