كلمات اغنية الايقونه ناصر العيافي 2022

الايقونه

ياشوق لاتشكي علي حُرقة الشوق

انا لقربك يا اريش العين مشتاق

انا على شوفتك بالحيل محروق

وغيرك على ذوقي من البيض مالاق

وفكري معك يامشغل البال مسروق

وكل المشاعر لك تمايل وتنساق

وحبك يغذي يالغضي كل معلوق

و عليك قلبي بين الاضلاع خفاق

صدق الغلا ماببن عاشق ومعشوق

قصــة غــلانا طرزت بيض الاوراق

اخذتني باللطف عن كل مخلوق

مافيه مثلك بين تلعات الاعناق

لاصرت حولي يالغلا بالي يروق

وان غبت عني يالغلا خاطري ضاق

كل الأدب والحسن ياشوق لك طوق

لشكلك وطبعك ينجذب كل عشاق

عقل وثبات وفوقها حسن منطوق

وانت الذي عليك يبسن الارياق

اهيف حشا ضامر ولك عنق منتوق

وردفٍ شكا من ثقله الخصر والساق

ياعين حـرٍ ثـبّْت الصيد ويتوق

والعنق عنق الريم لاسمع تفاق

متسلطنن حبك على الروح من فوق

وجروح قلبي منّك جداد وعتاق

لبيه ياأيقونـــة الحسن والــذوق

لبيه ثم لبيه من كل الاعماق

انت الذي تكرم عن الغدر والبوق

الله عطاك وكملك حسن الاخلاق

عليك حق ولك علي عدة حقوق

وبيني وبينك يا اريش العين ميثاق

اكتب قصيدي لك على كل طاروق

عسى العيافي يضبط اللحن لاراق

صحيح قالوا كل مطرود ملحوق

وانا على ما اشوف مافيك معلاق