كلمات اغنية الهواجيس ناصر العيافي 2022

هوجست والعاشق يحب الهواجيس

يمسي وتاتيه الطواري ب ممساه

واطلق سراح أفكار قلبٍ محابيس

وطيف الغلا بالبال دربه وملفاه

وحبٍ جمع مابين ليلى مع قيس

تقول لي حبك وحبي تعداه

حبٍ تعدا وفاق كل المقاييس

يازين ذاك الحب والشوق زيناه

نهيم ونحلم والمحبه أحاسيس

ودرب النقا واللطف حنا مشيناه

ب نلتقي وكان الليالي معابيس

لابد تضحك والأمل يحكي حكاه

احلى شعور الحب هيبه وتقديس

واصدق غلا قصر بحشانا بنيناه

هذي تلال الحب واحلى التضاريس

مرسومه بقلبي وتسكن حناياه

ندوس وادي بالغلا مابعد ديس

سحاب فوقه ماطرٍ ينتثر ماه

شوق نما ونبتات حبك مغاريس

تثمر غلا في داخل القلب بأقصاه

ولا جاتني بالليل ذيك الهواجيس

رحبّت بأطيافه وذكره وطرياه