كلمات اغنية باب الغلا ناصر العيافي 2020

يروق بالي معك ويزين جوه

وتهب نسمات الغلا وانثر البوح

يسمو معاك القلب وأعلن سموه

شوفه رقا من فوق الأمزان ويلوح

والغيم مثل الحب رفعه وعلوّه

ياخذ معاه القلب لا مر ويروح

والشوق مثله ممطر البال نوّه

مافارق الخاطر ولا فارق الروح

وأقول مبطي الحب وتقول توه

تبي دلاله فوق نار النوى تفوح !

وأقول لك مالي على البعد قوه

وغلاك باني له وسط قلبي صروح

ماودك ان الوصل تنشب ضوه

ونرمي بها خافي المواجع والجروح

ويزين بالي معك ويزين جوه

وينبت عشب روحك وتزهر بي الروح !

عشب ذبل روه من الحب روه

خل المطر يسقيه ويظلله دوح

ودنيا تفرق بين ربع وخوه

لا ماتفرق بين الأحباب وتروح

خذ خافقي واللي تبي فيه سوه

وباب الغلا خله على طول مفتوح