كلمات اغنية الحب الاول والاخير نمر الجذع 2021

بين بطشي فالملاقا وتانيب الضمير

اتعجب عزة النفس وش بيدينها

اتظاهر بالسعادة ولو ماني بخير

لاجل مايفرح ضعيف العرب ودوينها

لي ثمان سنين صابر مثل صبر البعير

والضروف لطيحتي والمه سكينها

التجارب علمتني وانا توي صغير

وصرت اعالج كل عله تجي في حينها

اشتريت لكل حبة رحاة تستدير

يعني حب مطنخ الروس زان طحينها

والهوى والشوق وللادمي نفحه عبير

لو تمر اقسى قلوب الرجال تلينها

حيةٍ فأنيابها والسم والملمس حرير

والدوا والموت موجود في نابينها

وان صفا جو المحبه يصير اللي يصير

والمفارق لحضة الله لاينصر دينها

قرب غيداً زينها بين زين الغيد غير

فرصه للعمر يازينها يازينها

لاعدمت اللي خذت مني الشي الكثير

كل ماتاخذه منني فدا رجلينها

مثل ماتشتاق للنور نظرات الضرير

ياوجودي يوم عيني تناظر عينها

تستحق بقلبي الحب الاول والاخير

واستحق الملك بين الحياه وبينها