كلمات اغنية الشوق وداني نمر الجذع 2025

ياركب اللي ليامنه درج ويله

كل المواتر خلاف ولا تعداني

اقول اباوي واثرني مقدر اويله

الصبر مني نفذ والشوق وداني

أسري مع الليل لاضاعت دواليله

ياما قطعت الدير والصبح ماباني

من فوق جيبٍ كويته مابرد حيله

ماجاه من سوق رجلي كثر ماجاني

الحب وشهو ليا خفت مواصيله

عذاب قلبً منه جريت الالحاني

ولارتاح لين اصل لنجد ومداهيله

يانجد ماجيتي لربعي بمجاني

جينا مثل صادق المزن ومخاييله

وادٍ هوج شال ماقدمه وحدماني

ابراي شيخ مايلقى في مداخيله

راي موفق ورد الفعل رناني

لين اتسع نجد وقفت نوازيله

وصبت فناجيل نصرن فوح رسلاني

ونحرتها اللي فرق بزين في جيله

الجسم راوي معزل بطن جوعاني

ابو جديلٍ ليا فك لخلاخيله

وعيونه العكش طرف العين نعساني

في خدها برق وسمً سارياً ليله

شدو مع الصبح له روقي وشيباني

وتصادفو مع طروشً جاتك محيله

من نجد مشمل وسم عتبان من داني

في شف بوشً لاعرض قال منهيله

بواتلً مرع فيهن عرق رماني

البدو تطرب على شوف الحياء زيله

وانا عذابي من الي عام عناني

ياشبه وضحاً معي ماجتني دخيله

ورثٍ من ابوي تزها وسم جداني

أطول من السقس لاقامت تباريله

فيها حلا مع حياها خرع الاذاني

تدجر على جرت الصوت وهوابيله

تفك مقهورها من وسط رعياني

الله يستر على الذود ومشاويله

عوباً خذت جلها واثعت بحيراني

اداري الهن وهي قلبي اداريله

مسليت خاطري لا جيتها عاني