كلمات اغنية جروح المحبه نمر الجذع 2022

طال ليل الحزين وصافي الدمع صبه

والقصيده من الاعماق هجرس لحنها

قد تشاوت من فرقا جروح المحبه

واحسبن الزمن خلف الحنايا دفنها

واثر ذكراااه لامرت سوات المنبه

ساعة ترجع الدنيا على اول زمنها

قبل ترمي بي الاحلام في وسط غبه

وكل لحظة فرح ملزوم ِ ادفع ثمنها

الجفا يذبح الرجال من دون سبه

والليالي بساعات الرخاء من ضمنها

وجمره الشوق في صدر المولع تشبه

وكل هقوه بـ عينه معذرر اليوم منها

لاتولاه همة كـل رجم ( ن ) يذبه

طاااااوع النفس لين ازرى يجود رسنها

ورغم ماصار باقي داخل الصدر حبه

لو ظروفي تسيرني وتامر وتنها

يا سلامي على اللي كل ماجيت اشبه

مهرة تقصر افكااااار الشواعير عنها

لانزوى خصرها المياس ربي وربه

قطعة ماتناسق مع بقايا بدنها

وباقي اوصافها ياجرح قلبي وطبه

كل ماهب نسناس الهبوب وحضنها

عنق خشف ِ يذيره الهواء من مهبه

مفلس القانص اللي بندقه قد وزنها

الرهى والحلا والزين هذا مربه

فتنه عفها المولى ولا احدن فتنها

ماهقيت ان قلبي بالغلاا ينلعبه

لين تلت معاليقه وطار وزبنها