كلمات اغنية حقوق الخيال نمر الجذع 2020

تبين سهيل وهب من يمه الذعذاع

يفرق همومٍ داخل الصدر مندرقه

عسى الله يجيب الرايح اللي يغسل القاع

حقوق الخيال اللي يسر النظر برقه

على ضيحته لو يسري المهتوي ماضاع

يشوف اخر الطرقه وهو ف اول الطرقه

يساقي من اللي في خيالي ثلاث اربااااع

ديارٍ تركها لاهب القيض محترررقه

يركد له الشرقي و لـ اقبل عليها ماااع

ثعوله تخلي خدة الارض في غرقه

مداهيل شولٍ عذبت قلبي المولاااع

غلاها على طول الزمن واضحٍ فرقه

ليامن شلعها بـ الهوابيل طايل باااع

تقول انها من جرهد البيد منسرقه

مجاذيب هرشٍ سيف لحيه تقول ذراع

بناته تتل الذود ... ويتلها عرقه

على شانها صرت المسلط على الابدااع

تطرقت لـ اللي قبل ماهيب منطرقه

هذا رغبتي و الصدق وجهه بدون اقناع

مع المجتمع من غربي الكون الى شرقه