كلمات اغنية سراجً منير نمر الجذع 2022

سراجً منير

يالله ياللي على عبادك بصير وخبير

انت الولي مالنا غيرك ياربي ولي

ياواسع الملك سلطانك عظيم وكبير

من خشيتك خايف اني هالكً بعملي

أنت الغني والملك وانا لوجهك فقير

يالرازق المعطي بفضلك تفضّل علي

عن المضرّه ياربي في حماك استجير

وكلتك أمري عسى التوفيق حضي والي

الوقت يطحن حبوبه في رحاً تسدير

ياعنك ماني بجاهل زلّ وقت جهلي

ياكم صبيً مشى من فوق زل وحربر

اليوم ياطا على الرمضى ويصلا صلي

يوم العرب للحمول يبركون البعير

انا نسفت الحموله في شداد جملي

نقول حنى بخير وكل شيء ً بخير

ماني بمبدي عليهم ضحكتي وزعلي

يوم اختلط سيلها جنبت وادي جرير

وردت عدّ الروا راهي بميح الدلي

اشوف بان النفوس اليوم شر وشرير

اجي لهم من غلا واثر الصدور تغلي

ومتن السحابه عليه الحر الاشقر يطير

فوق البسيطه على متن الهوا يعتلي

لاتسألوني عن اللي صار واللي يصير

خلوني اسلا واسج البال ماهو خلي

مايشفيّ الروح ويداوي عذاب الضمير

الا غلا طفلةً قلبي بها مبتلي

حروف شعري تْردد عبر بث الاثير

والمترف الطاهر أبا اسمعه مايلي

عامين قلبي وهو شعلة سراجً مُنير

أجمل غرامً ملكني سرّه الاولي

حنيت لك والخفوق يفوح مسك وعبير

ويذوب همس الغلا في صدري الممتلي

معاك احس الكبير من المتاعب صغير

وان الحياة البسيطه همّها ينجلي