كلمات اغنية على البال نمر الجذع 2025

لا تحسب اني على بعدك سهيت ونسيت

دايم على البال لو وصلك عليه صعيب

طيفك بعيني ليا مني غفيت وصحيت

بالذاكره لا يزال اسمك مسجل حبيب

ولا زلت اردد قصيد الوجد لك بيت بيت

قصايد الوجد لك فيها حضور ونصيب

اخذت مالا خذا غيرك وانا وش خذيت

إلا السهر مع نجوم الليل حتى تغيب

عن واقعي مع خيالك لا ذكرتك غديت

أبحرت في ذكرياتك لو زماني عصيب

لا عسس الليل واقبل مع نجومه سريت

ودخلت جو الخيال اللي بعيده قريب

أسج مع سالف الماضي وانا مادريت

عايش مع الناس بالدنيا بدونك غريب

أضيع اللي على بالي لا منك طريت

فرقاك خلت خفوقي بعد فقدك عطيب

اهد وابني ولا دري وش هدمت وبنيت

مومن بالأقدار والهقوه تخيب وتصيب

مافات يوم بحياتي عن خيالك سهيت

من كثر مافيك افكر بالخيال الرحيب