كلمات اغنية غانية قلبي نمر الجذع 2020

تمادت غانية قلبي ، على قلبي ، و قلبي طود

بعد ما علقت فـ ايسر محيط الصدر صورتها

هي اول مُلهمه هميت فيها و اخر العنقود

بعد غنيت فيها " بيت شعرٍ " صار شهرتها

هي اللي لـ انكتب سحر البيان و دق عزف العود

تحس انه يغازل عينها ، ، و يشيل طرحتها

لو الرسام يرسم لوحةٍ " تخرق مدى المحدود "

رسم لون الطبيعه ماقدر في ( رسم ضحكتها )

تطلعت الوضاء ولا حسدت الا هبوب النود

اذا طالعت فيها والهواء يلعب بـ " قذلتها "

يعانقها النظر ويعود منها معه ( ريحة عود )

تشبث في سناها ، اللي " مغطيته سبيبتها "

تأمل كيف ينبت في حدود الاقحوان ورود

رحيقه قادني من دون لـ اشعر يم قُبلتها

مدينة وجهها زحمة جمال و مغريات وفود

من الغمازهـ اللي تحت فمها ، ، لين غرتها

عبايتها بياضٍ مادخل فيها " خيوطٍ سود "

و جديلتها سواد و وجهها ابيض من عبايتها

تعرضك المشاريه الكبار و هرجت المنقود

و تهازل نقدهم وهروجهم قدام هرجتها

تزايدنا على الفرقى ، لو الفرقى عليها زود

بعد حطيت " رجل عمامتي " منديل دمعتها

تناظرني بنظرات الوداع اللي ما عاد يعود

ابلحق والديني ، ماتناسا " حزن نظرتها "

جت و معها كلامٍ مايقال : الا عليه شهود

و مشت والحزن بيّن في ملامحها و مشيتها

عسى ربي يجّمعنا لو انه بعد خمس عقود

واقبّل عينها اللي ورثتها في " حفيدتها "

و اكمل مابقى فـ العمر وارقب يومي الموعود

و اموت ، و ندخل الجنه سوا ، و انعم بـ طلتها