كلمات اغنية غريبة وطن نمر الجذع 2020

جاعت عيوني لـ شوفك والمشاعر جياع

انا دخيلك من جروحٍ بـ قلبي سطن

من جرب البعد والحرمان والالتياع

ما يجهل ان علة العشاق علة بطن

يا غايبة فالسفينة ما لقينا شرااااع

فلي شراع السفينه وابشري بالوطن

ضحيت لك تضحية سالم بـ واد السباع

وانتي تلحفتي اتعابي حرير وقطن

كنا على قلب وسهوم الغلا ف ارتفاع

لكن الاسهم عقب طال الفراق اهبطن

تعبت من كثر شرهات الحلوق الوساع

اليا عطن ما اخذن واليا اخذن ما عطن

وفقدت من فقدك المتعه بدنيا المتاع

وفهقت الاضلاع لطيور الشقا واقلطن

واليا تذكرت شيٍ فات مني وضاع

وذكرت‏ يوم الاماني شيدن واسقطن

وذكرت قلبٍ شلع من عش وكره وفاع

مشلاع هضبة طميه يوم شافت قطن

طافت دموعي على عيني طواف الوداع

وطاحت على راحة كفوفي غريبة وطن