كلمات اغنية لوعات الايام نمر الجذع 2020

طول علي الليل والصدر مشحون

متى شعاع الشمس يجمع شتاتي

اطفي جمر غليون واشب غليون

واضفي على عورة جروحي عباتي

اخذت من لوعات الايام عربون

والباقي الله ياخذه قبل ياتي

عزالله اني شره وضنوني ضنون

ولا ينادم صبري الا سكاتي

بس السجين الي ورى الصدر مسجون

بيّح سدودي واستباح امنياتي

من ضيقة الخاطر ومن ضيقة الكون

ريح المواجع في فضا الصدر عاتي

علقت هقواتي على يمكن يكون

وخابت وقمت اسعى لتطوير ذاتي

حاولت والاحوال من دون في دون

ولا استفدت من اكثر محاولاتي

ويوم اتصدد ما ابغي الناس يدرون

هو وش يسوي من يسوي سواتي

اقول قولوا عني الي تقولون

لو اغتني مالي غنى عن غناتي

رحتوا بـ فرحة خاطر وقرة عيون

وانا ما غير ازنت زنيت الزناتي

اشوف موتي والعرب ما يشوفون

حتى حياتي تحتفل في مماتي

عليكم من الله ما تستحقون

ياللي خذيتوا من حياتي حياتي

ورثت من مرواحها عدت طعون

والي بقالي من بقاياها الاتي

حذفتها من ذاكرات التليفون

ولقيتها في ذاكرة ذكرياتي