كلمات اغنية ماضي الذكرى نمر الجذع 2021

الا وشقى حالي وَيَا حظي المنعاج

برك فالطريق وسار لي كنه عقوبه

ادور عَل مخراج ماحصلن مخراج

ادف القدم في سكته تقل مقضوبه

عَل ماضي الذكرى مع طيب المنهاج

عشيرن غدى قلبي ونا اسير بدروبه

الف الشريط ويطلع الفلم والمونتاج

وحط المعاتب والهجر دوبي دوبه

الي عهد عنده لو تموج السما ماماج

عَل العهد والأشواق حرجه ومسلوبه

قبل يلبس البرقع عَل ثوبه السبراجً

واعرفه قبل يبدع ويحتال بأسلوبه

تنحت به الايام عني وهمي لاج

تحت ضلع صدري كنها النار مشبوبه

انا اقرب قريب وكني اللي ورى الأفلاج

يبعده علي وخيمة الحب منصوبه

سفير الغلا اللي تخلج الروح اله اخلاج

حرام انها من حبي العذب موهوبه

هذا اسمه منول يوم حبه مثل هداج

عَل شاشه الحوال بالاسم مكتوبه

اشوف الرقم لكن خايف من الاحراج

ادز الرسايل وتفاجأ بمكتوبهً

وجودي عليها وجد نجلا عَل فراج

بعد ماعطو مبخوت حقه ومطلوبه

تصهر عليها لين ضلى حبيس ادراج

يحسب الليال السود تلفي بمنجوبه

انا اضعف رجل بالحب مايقبل الإزعاج

ونا اجسر رجل من دون وجهه وماجوبه

سبتني مثل سبي الملك يوسف الحجاج

عَل مدخل الكوفه قطع راس مندوبه

صبرنا وضاع. الصبر يالوالي الإفراج

وشيد قصور الخب طوبه عَل طوبه