كلمات اغنية نسج الخيال نمر الجذع 2024

انا طار شوعي ياهل البل مع ام شعوف

خيار البكار الي تتعب موصفها

انا احب وضحاً مالها بالحلال وصوف

الا كود وحده مثلها يوم اوصفها

عليها وصايف كنها من وصايف نوف

عليها وصايف بكرتي يوم اوصفها

انا في هواها ما اسمع العاذل ولا اشوف

غريبٍ على طرق الهوى قبل ما اعرفها

حسينت وصايف شكلها بالعرب مولوف

ليا عرضت حتى الصغير يوالفها

عليها صدر والبطن تحت الصدر ملهوف

وقرنً ليا قامت على الردف يلحفها

تجاكر به الي قدمها فالصفوف وقوف

سبيب الاصيل الي شليويح عاسفها

ركبها يدربها وهو ماقفه معروف

وفي معركة طلال تعرف مواقفها

اليا طب وسط المعركة مايصيبه خوف

ولا عمرها عن نطحت الجمع يحرفها

هذا وصفها والها بنسج الخيال وصوف

ولها وصفٍ اخر لو ابن عون شايفها