كلمات اغنية يامل قلبً نمر الجذع 2023

يامل قلبٍ من هوى الزين متلول

مهجة فوادي من فوادي سلبها

تل الفراز الي يسقا بها الشول

دلابها راع القطيع وجذبها

من جادلٍ غابت هذا داير الحول

اليوم مدري وين راحوا عربها

العين عين الي على الكف محمول

ليا طب في جول الحباري رعبها

اليا عاينت ترسل على القلب مرسول

وانسلهمت غطى المحاجر هدبها

حازت كمال الحسن بالعرض والطول

قـصـة خـيـالٍ رابـحـن مـن كـتـبهـا

كلٍ يقول الزين فيها وانا اقول

لو شافها خالد تنحى عن ابها

لو كان ترك الحكم ماهوب معقول

يرخص لها عند المواجه طلبها

ليا شاف قرنن فوق الأمتان مجدول

ذيل الأصيل اللي كثيرٍ طربها

وبيضٍ بصدره مالمسها ولا زول

وذراعها اللي غاطسٍ به ذهبها

ماطبت اسواق الصحاري ولا مول

تتبع قطيعٍ جد ابوها كسبها

ترعابها بين الحفاير وهرمول

من خلقة الدنيا واهلها جنبها

مجردينٍ دونها كل مسلول

ودي بها لكن ما الله كتبها