كلمات اغنية قل اهتمامي نهيان المنصوري 2025

قل اهتمامي

عز واليك يا برقن يسوق الغمامي

كنه يحرض الشاعر يقول النشيده

استباحه وهو ما عاد عنده كلامي

كبده امن الحزن ما تقبل اللي يريده

طارين له جفولن بين شرقن وشامي

هايمن في بحرها والهقاوي بعيده

كل يومن يزيد الود والاهتمامي

كنها فوق وجه الارض تمشي وحيده

والفتني وانا اللي ما تراعد عظامي

دام ربي كفيل النفس والامر بيده

بنت شيخٍ له اسمن من كبار الاسامي

ماخذه عز ابوها والفخر من وريده

كارثة عصرها لبى الحسن والقوامي

لدخلت ف الفرايد صارت احلى فريده

ذابحنها الغرور الي يزيد انسجامي

وسافكنها حنين الشوق ولا نديده

سلمي بالعيون وهاك رد السلامي

واسمعي كل يومن في جمالك قصيده

يا عنيده على حرصي وكثر اهتمامي

ما مزرتي يديني بالوصل يا عنيده