كلمات اغنية كيف اتوبك نواف السند 2026

 كيف اتوبك

الذنوب لرحمة الله يا خلف خالي وجدّي

والخطايا للعفو من قبل تنفيذ العقوبه

وانت لو تخطي عليّ وتقول لي: ما هوب ودّي

لو قبلت العذر نوبه، ما قبلته كل نوبه

والعذر يا اللي عليك اخطيت في مزحي وجدي

ما يساق الا على شرواك والناس مْحَسُوبه

والغلا اللي ساقني صوبك ويدّي فوق يدّي

عيبي اللي تجهله والرجل ما يجهل عيوبه

والظلام اللي سريته لين ضعت وباح سدّي

ذاك ليلٍ من سراه وضاع ما حسّب ذنوبه

ليت لي منّه مثل ما للكفيف من المقدّي

كان ما شيّدتْ بيت الحلم طوبه فوق طوبه

وليت لك منّه مثل ما للضعيف من التحدّي

كان ما طاح الشجاع اللي ستر جرحه بثوبه

آه من كثر الخطايا والظليمه والتعدّي

وانت عذرك ما البحر والملح واسباب الرطوبه

لو شربت من البحر في طاعتك وانهيت صدّي

كان يغني عن شمال الساحل الشرقي جنوبه

ولو اقول ان البحر مثل الهوى ما هوب قدّي

ما قدرت آقول قلبي تاب واعرض عن دروبه

ولو اتوب من الذنوب اللي جنَتْ الايام ضدي

ما قدرت آتوب عن ذنبٍ يعنّ القلب صوبه

كيف اتوبك يا اجمل ذنوبي واوقّف عند حدّي

وانت ذنبٍ لا غَفَرْه الله ولا لي عنْه توبه