كلمات اغنية الحب القديم نياف تركي 2020

الله انه لايسامحك يالحب القديم

كل عام اقول ابا اقنع وانا مااقنع منه

تنزل الاصحاب وتشد والا انته مقيم

لاجزيت من ايسر الصدر تنزح لايمنه

مثل راعي ديرةٍ ديرته سمحه وريم

محتميها مايسير بها غير ظعنه

جابني لك فاول العهد شيطانٍ رجيم

الله انه يلعن بليس مليون لعنه

يابداية قصة الشعر وطعون الصميم

شاعرك صحت حروفه ولاصح بدنه

ياحبيبي لاتشكا من الجرح الاليم

فيك طعنه والا انا في عشرين طعنه

رايحن قلبي كما الزند وظلوعي هشيم

لاتحرك شي ويقب شعله ودخنه

ياجودي كل ماقلت ياعبدالكريم

حبك بقلبي من سنين ماهو من سنه

قامت ضلوعي تصرم مثل صرم الصريم

بين عقلن ماضمني وقلبٍ ما اضمنه

اتندم كل ماجيت ابا اخون النديم

كني اللي زاد زاده وغسل بصحنه

جادلٍ لاجيت ابا انسى هواها واستقيم

قالت افرض قيمة الحب وابشر بثمنه

حبها مثل المعاريف بارقبة الكريم

مالكتني بالحلا والغلا والملعنه

هبلت بي لين ماعاد اعاين فالحريم

مدمن في حبها مثل ماهي مدمنه

ياحبيب الروح تكفى ترا للعمر تيم

اعتق اسيرك لاتدخل بقبره وكفنه

فكني من شرهت الذات والعقل السليم

واطلق المسجون لو كان ودك تسجنه

انت مثل النوم والنوم سلطانٍ عظيم

يسرق الرجال ويسدحه غصبٍ عنه