كلمات اغنية حنين القلب نياف تركي 2023

يرجع حنين القلب مع رجعة الغيم

ويلوح برق أشواقي اللي خذتني

تشد بي الأحلام بالروض وتقيم

روضة غلا تزهر غلا وأزهرتني

واذكرك انا مع شبة الضو وأهيم

هذي طيوفك شوفها سامرتني

اقلط تقهوى والليالي معاتيم

بتومض بروقك من بعد ماشعتني

ويهل غيم الشوق وباراقب الديم

غيومك اللي بالمحبه سقتني

وادعي عسى اللي قسم الرزق تقسيم

تهمي السحايب مزن لامن علتني

تسقي جديب القاع سحبٍ مراديم

علمتها تمطر غلا وعلمتني

احب غيمك والعرب تعشق الغيم

سحايبٍ هلت غلا واغمرتني

الى ارعدت يحن ذا القلب ويهيم

الى امطرت فوق الثرى وأمطرتني

يالله عسى ذا المزن ينصب ويديم

مثل المحبه بسيلها غرقتني

شوقي مثل برق السحاب المجاهيم

سرقت منها فيضها وسرقتني

ومهما يمر العمر ويشد بأقيم

يبقى الأثر دام المحاسن كستني

حنا على وضح النقا نحب ونهيم

وفيه المهابه تملكه وملكتني