كلمات اغنية رحلة ذهاب نياف تركي 2023

رحلة ذهاب

ياصاحبي لاعاد تنشدني عن اسباب الغياب

ترى الامور الخافيه غير الامور المعلنه

وسوالك اللي تطرحه ماظن تلقى له جواب

صدورنا لاسرارنا ماجاء وراها تدفنه

فضلت ممشاً بالخلا وشوفي لمزمي السراب

ولا مقابل من علومه كلبيها ممتنه

الناس في تالي الزمن صارت ضمايرهم خراب

وبعض الاوادم لو ضحك لك فيه عله مزمنه

بعض المجالس ماوراها غير ضيقه واكتأب

ياللي تحب الميسره حنا نحب الميمنه

عن مجلسه واللي على شكله ترى الرحله ذهاب

بعض العرب معاد امره لو اعيش امية سنه

واكدت حجز التذكره رحلة ذهاب ابلا اياب

انا ترى طبعي كذا اعاف بعض الامكنه

ناس تسولف بالقفى وان جيتها جاها ارتعاب

يكفيني اني لاحضرت اخرست كل الالسنه

صكات بقعا شيبت بالراس في عز الشباب

استغفر الله والليالي ملعنه في ملعنه

باعيش راسي فالسماء وبموت وادفن فالتراب

مالد عيني للبشر وارجي من الناس حسنه

الله خلق قلبي جري ماهو يخاف ولا يهاب

والمستحيله لا نوها القلب تصبح ممكنه

لكن نصيحه واخذها مادام للموضوع باب

في ذا الزمن اقرب قريب لك حذاري تمنه

عساك تفهم مقصدي ولا تزود فالعتاب

من غاب يبغي خلوته بالله لاتنشد عنه

دام العرب ياصاحبي صارت ضمايرهم خراب

خلني اعيش بعزلتي والجسم قافيه كفنه