كلمات اغنية صورة غلا نياف تركي 2022

ياخافقي وش بالهواجيس تنساب

تزور فكري تسرق النوم عني

والطاري اللي في حشا الروح ماغاب

كم قلت له لا مر بالشوق زدني

يالله تديم الحب من بين الاحباب

ويثمر على سدر المواصيل غصني

ويطيب خاطر بالهوى مابعد طاب

نحلم وتسرقنا ليالي التمني

جعل الهنا يغمر عزيزين وأصحاب

وذاك الذي بالبال جعله امتهني

دنيا تصك أبواب وتفتح لنا أبواب

مره تبكينا ومره نغني

والحب مزنٍ من على الروح سكاب

خذيت قلبه وماخذ القلب مني

له في خفوقي روضة كلها اعشاب

وصورة غلا معكوسة وسط جفني

وله جمر شوقٍ داخل القلب شبّاب

وبيت الشَعر بين المعاليق مبني

ورغم البعاد احنا على طول اقراب

قلبي سكن قلبه وقلبه سكني

قلوبنا متوالفه ماهي اغراب

اعطيه شوق القلب واقول عطني

ومهما الزمان يمر وتشد الركاب

بيبقى غرامه بالحشا مستكني

وذاك الأمل في خافقي مابعد خاب

ماخاب ظنه بي ولا خاب ظني

لاني بمتشافي ولاني بمنصاب

ابغي الوصل بس الليالي عصني

حبه شفا للروح وتمرض الى غاب

ياهيه وينك عني اليوم عني