كلمات اغنية السويبع هادي بن جابر 2025

يقولون خلّ الطير ماعاد منه فود

وانا اقول خلوني مع كل هبّابي

انا مايوسّع خاطري كون لفح النود

ومبدا طويلٍ للقرانيس مرقابي

الى بان نجم سهيل والبرد تم يزود

وشيِف السويبع والوسامي على النابي

ليالي المعابير الله يعودها للعود

وشوف القنيف اللي به البرق لعابي

والى ابطيت من شوف المواليف ياعبود

ترى القلب يمتهم ولو طال معزابي

انا احبهم حبي لعزام ولا زود

وعزام حبه للبراري تنحى بي

ترى الطير يسهي عن كحيل العيون السود

الى فرعو به في مساييل واشعابي

خطوات اشقرٍ مطروح بأرضٍ مجيّه كود

مع ثقل روزه للصقاقير جذابي

مطاليعه ادناها من الكيلوين وزود

طويل الموامي عاتقه عاتق الدابي

ماينلام راعي الطير واللي يحب الذود

الى سج من حيّه مع كل حنزابي

وشناحٍ ماهي تضوّي على واحدٍ مقرود

يضوونها في المرح عكفان لشنابي

وهجنٍ سواة الصيد الى اقفى من البارود

غلاها وحب الطير الاشقر تنحى بي

هذي رغبتي ما دامني ياعلي ماجود

ولابد من يومٍ اوافي به حسابي

رجانا واملنا فيك يا الواحد المعبود

إلهِ كريمٍ يقبل العبد لا تابـي